Главная Новости Пойыз аударылмасын десеңіз...
Озық тәжірибе22 мамыр 2019, 09:58 1126

Пойыз аударылмасын десеңіз...

Пойыз аударылмасын десеңіз...

Ынталандыру шараларын жиі өткізіп тұру керек. Мәселен таяуда "Қазақстан темір жолы" компаниясында өз ісінде үздік вагон қараушыларға "Қозғалыс қауіпсіздігі үшін" төсбелгісі табыс етілді.  

Олардың қырағы, сауатты және жедел іс-әрекетінің арқасында вагондардың әртүрлі ақаулары анықталған және қозғалыс қауіпсіздігіне төнген қатердің алды алынған.

Ынталандырылған вагон қараушылар қатарына Қостанай, Ақмола, Атырау, Маңғыстау, Қызылорда жүк тасымалы бөлімшелері мен Достық өңірлік телімінің еңбеккерлері кіріп отыр.

Марапатты бірінші болып Ақмола жүк тасымалы бөлімшесінің 9 қызметкері алды. Олардың арасында Астана вагон пайдалану депосы техникалық қызмет көрсету қосынының вагон қараушы-жөндеушілері де бар: Нұр-Сұлтан станциясынан – Ғалымжан Бердібаев, Әнуарбек Әбілдинов, Рашид Асапов, Бауыржан Қалиахметов, Ербол Смағұлов, Азамат Салдауов, Атбасар станциясынан – Александр Кучма мен Виктор Олещенко, Қырқыншы станциясынан – Әнуар Әбілдинов.

"Компаниядан марапат алу – бұл мен үшін зор мәртебе. Еңбегің ескеріліп жатса, әрине құлшынысың оянады. Басшылық пен ұжымға разымын", - дейді Астана вагон пайдалану депосы техникалық қызмет көрсету қосынының вагон қараушы-жөндеушісі Әнуарбек Әбілдинов.

Ә.Әбілдинов шойын жолда 20 жыл бойы еңбек етіп келеді. Осы жылдар ішінде ол үш рет қозғалыс қауіпсіздігін қамтамасыз еткені үшін мараптталған. Ол өз мамандығында әрқашанда қырағылықтың керегін айтады. Бір ғана балғамен тоқылдатудың арқасында доңғалақ жұптарындағы ақауды анықтауға болады.  

Жалпы барлық марапатталғандарды өз міндеттеріне жауапкершілікпен қарауы, адалдығы біріктіреді.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: