QAZAQ AIR әуекомпаниясының қызметкерлері ағаш отырғызды

«Қазақстан аумақтарын көгалдандыру және тазалау шаралары тек экологиялық жағдайды жақсартуға ғана емес, сонымен бірге қоғамның ынтымақтастығын нығайтуға да ықпал етеді. QAZAQ AIR әуекомпаниясы қызметкерлерінің сенбілікке қатысуы олардың қоршаған ортаға жауапкершілікпен қарайтындығын және болашақ ұрпақ үшін табиғатты қорғауға өз үлесін қосып келе жатқанын айғақтайды»,-деді Басқарма Төрағасының м.а. Нұрлан Жақыпов.

QAZAQ AIR экологиялық мәдениетті дамытуға бағытталған бастамаларды әрдайым қолдайды. Қазақстан – біздің ортақ үйіміз, сондықтан аумақты көгалдандыруға қатысу және аумақтың тазалығын қолдау – әрбір тұрғынның азаматтық ұстанымы болып табылады. Таза және жасыл қала – ұлт денсаулығы мен әл-ауқатының кепілі.

«Мен ашық таза ауада серуендеуді жақсы көремін, сондықтан мен үшін қаланың келбеті мен тазалығы маңызды. Бірнеше жыл бұрын бізде жасыл аймақтар жеткіліксіз болды, дегенмен жүйелі жүзеге асырылып келе жатқан көгалдандырудың арқасында олар көбейіп келеді. Қала күн сайын көз алдымызда жайлы және тартымды болып келеді. Бұл ең алдымен әрқайсымыздың табиғатқа деген көзқарасымызға байланысты. Біз табиғатқа ұқыпты қарауымыз керек», - деп атап өтті қатысушы Зарина Дәвлетбаева.

Әуекомпания қызметкерлері сенбіде белгіленген уақытта жиналып, ағаш отырғызуға белсенді қатысты. «Нұра» ауданының әкімдігі сенбілікті өткізу үшін қажетті құралдар ұсынды. Ашық ауада жұмыс істегеннен кейін қатысушылар шағын бейрейсми демалыс ұйымдастырды.