Qazaq Air Астанадан Павлодарға жаңа тікелей рейс ашады

Мемлекет басшысының Павлодар облысына жұмыс сапарының қорытындысы бойынша Астана-Павлодар бағыты бойынша тікелей әуе рейстерін ашу тапсырылған болатын.

Осыған орай ҚР Индустрия және инфрақұрылымдық даму министрлігінің Азаматтық авиация комитеті тиісті жұмыстарды жүргізді.

Нәтижесінде биылғы жылдың 1 қарашасынан бастап «Qazaq Air» авиакомпаниясы аптасына 4 рет жиілікпен әлеуметтік маңызы бар Астана - Павлодар авиамаршрутын іске қосады.

Аталған бағыттағы билеттер құны 10 мың теңге көлемінде белгіленді және ол бүгіннен бастап сатылымға шығады.