30 мамыр 2023, 09:21 1349

Qazaq Air диспетчері Ғабит Шаймерденов: Спорт жас таңдамайды

28 мамырда Астана Триатлон-паркінде «Самұрық-Қазына» Қорының 15 жылдығына арналған Samruk Marathon жарысы өтті. Қызметкерлердің балалары үшін Халықаралық балаларды қорғау күніне орай жеңіл атлетикадан акция ұйымдастырылды.

Спорт мерекесіне «Самұрық-Қазына» тобына кіретін 22 компаниядан мыңнан астам қызметкер, оның ішінде QAZAQ AIR әуе компаниясынан 17 қызметкер қатысты. Жарыс 5 және 10 км қашықтықта өтті. Балаларға арналған 1 км марафонға 100-ге жуық бала қатысты.

Айта кетейік, марафонға бір ай қалғанда қатысушылар әр жексенбі сайын Триатлон-паркінде жаттығуға жиналып, жарысқа дайындалды.

Марафонда 10 км қашықтықта 50 жастан жоғары санатта 1 орынды Ұшуларды ұйымдастыру департаменті Ұшуларды қамтамасыз ету бөлімінің диспетчері Ғабит Шаймерденов ұтып алды.

«Мұндай спорт шаралары денсаулықты шыңдап қана қоймай, корпоративті рухты көтереді. Бүгін мен әріптестерімнің қолдауына риза болдым. Спорт – жас таңдамайды, кез келген уақытта денсаулықты шыңдауға деген құлшыныс болуы керек», – деді Ғабит Шаймерденов.

Еще больше новостей на нашем telegram-канале , подписывайся и будь в курсе!

К списку статей Следующая статья