Qazaq Air енді Астанадан Қызылордаға күнде жолаушы тасымалдайды

Qazar Air әуекомпаниясы 13 қантардан бастап Астанадан Қызылордаға күнделікті тұрақты рейстерді келесі кесте бойынша орындайды:

Күнделікті:

• IQ 425 Астана (17:50) – Қызылорда (19:40)
• IQ 426 Қызылорда  (20:10) – Астана (22:10)

«Күнделікті тұрақты рейстердің ашылуы Қызылорда облысының сауда-экономикалық, туристік әлеуетін дамытуға, сонымен қатар көлік қызметтерінің қолжетімділігін қамтамасыз етуге ықпал ететін болады», – деп атап өтті әуе компанияның ресми өкілі Ақбота Орынбаева.

Билеттерді www.flyqazaq.com ресми сайтынан, сондай-ақ әуе компанияның сату кеңселерінде брондауға және сатып алуға болады.  Әуе билеттерін сатып алу кезінде сіз борттағы орынды алдын ала брондауға, багаждың немесе қол жүгінің көлемін арттыруға, борттық тағамға тапсырыс беруге, үй жануарлары мен спорттық жабдықтарды тасымалдауға өтініш білдіре аласыз.

Естеріңізге сала кетейік, QAZAQ AIR әуекомпаниясы барлық бағыттарда спорттық жабдықтарды (шаңғы жабдықтары, сноуборд жабдықтары, мұзда сырғанауға арналған конькилер) 2025 жылдың ақпан айының аяғына дейін тегін тасымалдайды.