Qazaq Air IOSA қауіпсіздік бойынша аудитті төртінші мәрте сәтті өтті

IOSA эксплуатациялық қауіпсіздік бойынша аудит әуекомпанияларда өндірісті басқару және бақылау жүйелерін бағалауға әзірленген тексерудің халықаралық жүйесі болып табылады. 

Аудит барысында компания қызметінің барлық салаларындағы құжаттама және мыңға жуық IOSA стандарттарының орындалуы расталды. Оларға ұйымдастыру мен басқарудың корпоративтік жүйелері, ұшу сапарларын орындау, ұшу сапарларын басқару және диспетчерлік қызмет, әуе кемелеріне техникалық қызмет көрсету, борттағы қызмет көрсету, әуе кемелеріне жерде қызмет көрсету, жүктермен орындалатын операциялар және авиациялық қауіпсіздік жатады.

«QAZAQ AIR жоғары халықаралық стандарттарға сәйкес келетін қауіпсіз тасымалдаушы екенін растады. Біз ұшу қауіпсіздігі мен авиациялық қауіпсіздікті басқару жүйелерін үздіксіз жетілдіруге көп көңіл бөлеміз. Компания қызметкерлерінің кәсібилігі мен еңбекқорлығының арқасында қайта сертификаттау сәтті өтті», – QAZAQ AIR Басқарма Төрағасы Еркін Наурызбаев.

Естеріңізге сала кетейік, 2021 жылдан бері QAZAQ AIR әуе флотында UP (Қазақстан Республикасы әуе кемелерінің мемлекеттік тану белгісі) жаңартылған қазақстандық тіркеу бар. Әуе флотына компанияның өз техникалық станциясы қызмет көрсетуде. Сондай-ақ QAZAQ AIR әуе кемелері әр 8000 сағат сайын Канада, Германия және БАӘ сертификатталған авиациялық қызмет көрсету орталықтарында күрделі жөндеуден өтеді.