QazaqGaz ішкі нарық үшін газ көлемін арттырады

Құжатқа сәйкес, тараптар Орынбор газ өңдеу зауытындағы қазақстандық газдың өңдеу көлемін жылына 11 млрд м³ дейін арттырады.

Аталған шара ішкі нарыққа тауарлық газ көлемін жеткізуді жылына 1,7 млрд м³ дейін ұлғайтуға мүмкіндік береді. Өз кезегінде, бұл қазақстандық тарапқа сұйық көмірсутек өндірісін арттыруға ықпал етеді.  

Сонымен қатар, «ҚазРосГаз» ЖШС және «Газпром переработка» ЖШҚ арасында 2022-2023 жылдары қазақстандық газды өңдеу бойынша келісім-шарт жасалды. Жекелей алсақ, 2022 жылы бұрын жоспарланған 8,1 млрд м3 көлемге қосымша 0,57 млрд м³, 2023 жылы - 2022 жылдың бастапқы деңгейіне қосымша 1,23 млрд м³ газды өңдеу көзделген.