04 қазан 2023, 11:44 1210

Рахмет, дәрігер!

Компанияның 60 жылдығы аясында «Маңғыстаумұнайгаз» акционерлік қоғамы «Педиатрия және балалар хирургиясы ғылыми орталығы» жетекші мамандарының қатысуымен қайырымдылық акциясын ұйымдастырды.

Аталған акция аясында Жетібай және Шетпе ауылдарының тұрғындары тегін медициналық тексеруден өтіп, Алматыдан арнайы келген жоғары білікті мамандардан кеңес алуға мүмкіндік алды. Атап айтқанда, жергілікті емханалар базасында қабылдауды медицина ғылымдарының кандидаттары - кардиологтар мен гематологтар, сондай-ақ хирургтар, педиатрлар, пульмонологтар, офтальмологтар жүргізді.

11-16 қыркүйек аралығында 584 ауыл тұрғыны, оның ішінде балалар да қаралды. Зерттеу қорытындысы бойынша ғылыми орталықтың мамандары емделушілерге бронх-өкпе ауруларын, рахитті, анемияны, ақуыз-энергетикалық жеткіліксіздікті, жүрек ақауын және т.б. емдеу бойынша маңызды ұсыныстар берді.

«Біздің компания, адам денсаулығы әрқашан бірінші орында тұратындығын ескере отырып, Жетібай мен Шетпе тұрғындарының денсаулығын тексеріп, жақсартуы үшін Алматыдан білікті мамандарды шақырды. Дәрігерлердің келуінің мұқтаж адамдарға көмегі тиді деп үміттенемін, барлық жерлестерімізге зор денсаулық пен амандық тілеймін, ауырмаңыздар және күтініп жүріңіздер», - дейді «Маңғыстаумұнайгаз» АҚ әлеуметтік саясат департаментінің басшысы Асан Сақтапов.