Сәтті келіссөз – оң нәтиже

«Қаражанбасмұнай» АҚ үшін жұмысшының кәсібилігімен қатар, заманға сай тұлғалық дамып, білім көкжиегін кеңейту аса маңызды. Осы мақсатта қызметкерлер жыл бойы түрлі тақырыптарды қамтитын оқу мен шеберлік сағаттарына, семинарларға белсенді қатысып келеді. Бұл жолы мұнайшылар ұжым арасында сәтті келіссөздер жүргізу арқылы, компания жұмысының нәтижесін еселеу бойынша білімін толықтырды.

Оқыту сабақтарына кен орны мен орталық кеңседен 20-дан астам жұмысшы қатысты. Дәріс барысында оларға танымал бизнес-тренер, коуч Ирина Виговская қақтығыстардың туындау себептерін түсіндіріп, жанжалдарды тиімді шешу стратегияларын таныстырды. Одан соң қатысушыларға ойын түріндегі тапсырмалар берілді. Мұнда мұнайшылар қарапайым мысалдар келтіре отырып, туындаған мәселені үлкен дауға айналдырмау құпияларын меңгерді.

«Ұжым арасында дау-дамайсыз, нәтижелі жұмыс істеу бәріміздің міндетіміз. Ал келіссөзді шебер жүргізе білу – көздеген мақсатқа жетудің маңызды құралы. Сәтті қарым-қатынас арқылы биік белестерді оңай бағындыруға болады. Алған білімімізді міндетті түрде тәжірибеде қолданамыз», – деді семинарға қатысушылар.

Мұнайшылар екі күнге созылған сабақтан мол ақпарат, жағымды әсер алды. Семинар соңында жұмысшыларға оқуды сәтті аяқтағаны туралы сертификаттар табыс етілді.

Еще больше новостей на нашем telegram-канале , подписывайся и будь в курсе!

К списку статей

АРХИВ ЖУРНАЛОВ SKNEWS