«Samruk-Kazyna Construction» АҚ-да «Jahanpars Group» өкілдерімен кездесу өтті

Отырысқа қатысушылар шетелдік капиталдың Қоғамның инвестициялық жобаларына қатысуының ықтимал перспективаларын талқылады. Импортты алмастыруға бағытталған құрылыс материалдарын өндіру зауыттарын және Қазақстан қалаларында кешенді құрылыс салу жөніндегі жобаларға ерекше назар аударылды.

Кездесуде «Jahanpars Group» өкілдері өз қызметінің бағыттары туралы айтып, мұнай, газ және энергетика саласындағы объектілерді, өнеркәсіптік зауыттар мен көп қабатты ғимараттар салу, ірі инфрақұрылымдық жобаларды іске асыру тәжірибесімен таныстырды, сондай-ақ Қоғам жобаларына инвестор ретінде қатысуға қызығушылық танытты.

Өз кезегінде «Jahanpars Group» өкілдері Қоғам басшылығына кездесу үшін зор алғыс айтып, болашақ ынтымақтастыққа үміт білдірді.

«Jahanpars Group» – «CNPC» Қытай, «ENI» Италия, «PDO» Оман және т. б. халықаралық жобалар үшін Мердігер болған, ірі инфрақұрылымдық жобаларды орындауда 50 жылдық тәжірибесі бар Иран компаниясы. Компаниялардың ірі жобаларының арасында қуаты тәулігіне 3 мың тонна «Хормозган» цемент зауыты, қуаты жылына 1,2 млн тонна «Фурад Мобаракех» металлургия комбинаты және т. б. жобалар бар.