Samruk-Kazyna Construction Қостанай облысында 9 мектеп салады

Кеңес жұмысына облыс әкімінің орынбасарлары, құрылыс, сәулет және қала құрылысы басқармасының басшысы, жергілікті құрылыс және жобалау компанияларының өкілдері қатысты.

Басқосуда жер телімдерін бөлу, инженерлік желілерді жобалау және салу, құрылыс компанияларына қойылатын талаптар, ұлттық жобаны іске асыруға отандық материалдар мен жабдықтар өндірушілердің қатысуы мәселелері талқыланды.

Өз кезегінде, Мәулен Айманбетов бизнес-қоғамдастықтың құрылыс компанияларына қойылатын талаптар, Ұлттық жобаны іске асыруға отандық жергілікті құрылыс материалдары мен жабдықтарын өндірушілердің қатысуы жөніндегі сұрақтарына толық жауап беріп, «дайын күйінде тапсыру» құрылыс және жобалау кешенді жұмыстарды сатып алуды жүзеге асыру жөніндегі нұсқаулықтың мазмұны бойынша түсініктемелерді берді.

«Жайлы мектеп» пилоттық ұлттық жобасы аясында Қостанай облысында 9 мектеп салу жоспарлануда, оның 3-і ауылдық жерлерде. «Samruk-Kazyna Construction» АҚ ұлттық жобаның мақсатты құрылыс дирекциясы бола отырып, 2023 жылы 6 мектеп салуға кіріседі, ал 2024 жылы тағы 3 мектеп құрылысын бастайды.