Samruk-Kazyna Trust қайырымдылық саласындағы үздік қор деп танылды

Республикалық форум аясында SK Trust қайырымдылық саласындағы құрметті атаққа ие болды. ҚР Мәдениет және ақпарат министрлігі тағайындаған марапат қайырымдылықты дамытуға қосқан зор үлесі үшін қордың бас директоры Альфия Адиеваға табысталды.

«Самрук-Қазына» АҚ-ның бірыңғай қайырымдылық операторы – Samruk-Kazyna Trust жыл сайын жарты миллионнан астам адамға көмек көрсетеді. Әлеуметтік жобалар инклюзия, денсаулық сақтау, білім беру, спорт және мәдениет салалары бойынша елдің барлық өңірінде атқарылады. Биыл 39 жоба жүзеге асырыла бастады. 

Жыл басында Samruk-Kazyna Trust қоғаммен байланыс саласындағы ұлттық беделді «Ақ Мерген» сыйлығымен марапатталған. Ал «Charity Samruk Marathon» ең үздік қайырымдылық жобасы деп танылды.