Samruk-Kazyna Trust қоры жарты жылдықтың қорытындысын жария етті

Әлеуметтік жобаларды дамыту қорының басшысының айтуынша, «Самұрық-Қазына» Қоры компанияларының атынан әрекет ететін «Samruk-Kazyna Trust» корпоративтік қоры білім беру, денсаулық сақтау, мәдениет салаларын және бұқаралық спорт, әлеуметтік кәсіпкерлікті дамыту, халықтың әлеуметтік осал топтарын қолдау, өңірлерді кешенді өркендету бастамалары тұрғысында 32 әлеуметтік жобаны іске асырып, Қазақстан бойынша жарты миллионға жуық адамды қамтыды. Жобалар бюджеті 7,13 млрд теңгені құраған.

Қордың 2022 жылға арналған қайырымдылық бағдарламасы 10 миллиард теңгені құрайды. Оның ішінде бүгінде 3,86 млрд теңгенің 13 жобасы мақұлданды.

«Бұл тарапта біз қайырымдылық жобаларымыздың бюджеттерінің толық ашықтығын қамтамасыз ету үшін, бұған дейін жазғанымыздай, сайтымызды өзгертпекпіз. Жалпы, біз мұндай мағлұматты бұрыннан жариялап келеміз. Бірақ қазір өңірлер бойынша жобалар туралы егжей-тегжейлі жариялауды жоспарлап отырмыз. Бұл – сайттың әрбір келушісі қаражаттың қандай жобаларға кеткенін, қандай нәтиже шыққанын түсінуі үшін қажет», – деді Альфия Адиева.

Бұдан тыс, әлеуметтік жобаларды дамыту қоры «Самұрық-Қазына» АҚ Қоғамдық кеңесінің алдында жарты жыл сайын тұрақты есеп беруді де әдетке айналдырмақ. Оған депутаттар, Қазақстанның белгілі қоғам қайраткерлері кіреді. Таяуда қор Қоғамдық кеңес алдында алғашқы рет есеп беріп те үлгерді.

2023 жылдан бастап қайырымдылық жобаларын іске асыру кезінде олардың 30%-ында елдік жобаларға көңіл бөлінсе, ал 70%-ында «Самұрық-Қазына» АҚ компаниялары бар өңірлердегі жергілікті жобалар мен әлеуметтік инвестициялар бағдарламаларына басымдық беріледі. Жобаларға байланысты қордың өзі бастама көтере алғаннан тыс, жергілікті үкіметтік емес ұйымдар да «Samruk-Kazyna Trust» қорына өтініммен шыға алады.

Брифингтің толық нұсқасы: