24 шілде 2019, 08:18 3254

Самұрық-Қазына Екібастұз ЖЭС-2 толық сатып алады

"Самұрық-Қазына" ҰӘҚ" АҚ "Интер РАО" ААҚ тарапынан "Екібастұз ЖЭС-2 станциясы" АҚ-ның 50% үлесін сатып алу туралы шешім қабылдады. Осылайша, Қор екінші Екібастұз жылу-электр станциясы акцияларының 100% иесі болады. Жобаның Жол картасына сәйкес, мәмілені, 2019 жылдың аяғына дейін аяқтау жоспарланған деп хабарлайды Қордың баспасөз қызметі.

Айта кеткен жөн, "Интер РАО" компаниясы өзінің Екібастұз ЖЭС-2 нысанындағы акцияларын нарықтық шарттарда сатып жатыр. Дегенмен мәміленің бағасы келісім аяқталғанға дейін жария етілмейді. Сондай-ақ, бұған дейін Қорда бұл станцияның 50% акциясы болғандықтан, қалған активтерді иемденуі қисынды болып саналады.

Мәміленің жабылуы белгілі шарттардың орындалуына, оның ішінде басқару органдарының бұл мәмілені мақұлдауына, несие беруші банктердің ЕЖЭС-2 станциясының акционерін ауыстыруға келісімін алуына және тағы басқа белгілі бір жайттарға байланысты екенін атап өткен жөн.

Сонымен қатар, "Интер РАО" компаниясы, ЕЖЭС-2 құрамынан шығу туралы шешімін негізгі нарық – Ресейде жұмыс істеуге барынша күш салу ниетімен түсіндіріп отыр. Мәселен, көрші елде, таяу арада өндіруші қондырғыларды жаңғырту бағдарламасы басталып, тиісінше Интер РАО оған белсенді атсалыспақ.

"Интер РАО" ААҚ-да, Екібастұз ЖЭС-2 үлесін сату жөніндегі мәміле аяқталғаннан кейін, Қазақстан Республикасында активтері болмайды.

Еще больше новостей на нашем telegram-канале , подписывайся и будь в курсе!

К списку статей Следующая статья