11 қазан 2023, 09:15 2660

Самұрық-Қазына 15 арнайы мектепке жаңа спорт жабдығын сыйлады

«Самұрық-Қазына» АҚ-ның 15 жылдығына орай 15 арнайы мектеп-интернат спорт жиынтығымен толықты. Осылайша ауыр сырқаттары бар және ерекше білім беруді қажет ететін 2 мыңнан астам баланың спортпен айналысуына жағдай жасалып отыр, деп хабарлады Samruk-Kazyna official.

Спорттық жабдықтар «Samruk-Kazyna Trust» қоры атынан «Бақытты балалық шақ» қайырымдылық науқаны аясында тарту етілді. Бес өңірдегі арнайы мектептер 16 млн теңгеге баскетбол, футбол, волейболға арналған доптармен, сондай-ақ гимнастика құралдарымен, төсеніштер, белтемірлі швед қабырғасы, үстел теннисімен толықты.

Жоба аясында Астана қаласындағы 2 мектеп-интернат, Атырау облысында 2 мектеп-интернат, Ақмола, Павлодар облыстарындағы арнайы балабақша, мектеп-интернаттарына спорттық құрал-жабдықтар табысталған. Жиынтықтардың соңғы топтамасы Ақтөбе облысындағы арнайы орталықтарға жеткізілді.

Еще больше новостей на нашем telegram-канале , подписывайся и будь в курсе!

К списку статей