«Самұрық-Қазына» Әзірбайжан инвестхолдингімен ынтымақтастықты нығайтады

«Қазақстан Темір Жолы» ҰК» АҚ мен «Әзірбайжан темір жолы» Транскаспий халықаралық көлік бағыты аясында  бірлескен кәсіпорын құруды жоспарлап отыр. Қос елдің тасымалдаушылары оның көмегімен Қытайдан Түркияға және Қара теңіз айлақтарына дейін мультимодальдық және көлік-логистикалық қызмет сапасын едәуір арттыруды қамтамасыз етпек ниетте. 

Мұнайгаз саласы да екіжақты ынтымақтастықтың маңызды бағыты. Каспий теңізінің Әзірбайжандық бөлігінде қазір «Сәтті» деп аталатын теңізде өз бетінше қалқып жүретін ұңғыма құрылғысы жұмыс істеп келеді. Аталған құрылғыны кейін де кеңінен қолдану, соның ішінде SOCAR компаниясының жобаларына тарту мүмкіндіктерін қарастыруды ұсынылды.

Кездесу қорытындысы бойынша тараптар ынтымақтастықты кеңейту жөніндегі Меморандумға қол қойды. 

«Самұрық-Қазына» АҚ басқарма Төрағасы Алмасадам Сәтқалиев мәлімдегеніндей, қол қойылған бұл құжат өзара ынтымақтастықты жаңа, сапалы деңгейге көтеріп, қос мемлекет экономикаларының өсу қарқынына тың серпін береді.