«Самұрық-Қазына» АҚ қоржындық компанияларының сатып алудағы жергілікті қамту үлесі артады

Сондай-ақ, Қор басшысы топ-менеджерлерге сатып алу кезінде жіберілген заң бұзушылықтар үшін жеке жауап беретіні туралы ескертті және барлық анықталған фактілерді Қор құқық қорғау органдарына жолдайтынын қаперге салды. Қордың Басқарма төрағасы Қор тобындағы барлық компаниялар бойынша шығындарды оңтайландыруды және әкімшілік-басқару қызметкерлерінің еңбекақысын көтерудің барлық фактілерін тексеруді тапсырды. Ішкі аудит қызметіне шетелдік іссапарлар мен өкілдік шығыстарды қоса алғанда, басшылықтың шығындарын тексеру тапсырылды.

Қоржындық компаниялар басшыларының алдына дербес міндеттер қойылды. «ҚазМұнайГаз» ҰК АҚ-қа мұнай жеткізілімдерін әртараптандыру, Транскаспий бағдарын іске асырудың оңтайлы нұсқасын пысықтау және Атырау-Кеңқияқ және Кеңқияқ-Құмкөл мұнай құбырларының қуаттарын арттыру бойынша шаралар қабылдау тапсырылды.

Air Astana - қысқа мерзім ішінде рейстердің тұрақты кідіруі мен тоқтатылуына байланысты қалыптасқан жағдайды өзгерту бойынша, компаниядағы рейстердің өзгеруі туралы жолаушыларды алдын ала хабардар ету жүйесінің жұмыс істеуі бойынша барлық қажетті пәрменді шараларды қабылдайды. Бұдан басқа, «QazaqGaz «ҰК» АҚ басшылығына жыл соңына дейін еліміздің солтүстік өңірлерін газдандыру үшін сұйытылған газ өндіру зауытын салудың орындылығын зерделеу тапсырылды.