Главная Новости «Самұрық-Қазына» басшылары батыс өңірлерде IPO бағдарламасын түсіндіруде
22 қыркүйек 2022, 13:45 402

«Самұрық-Қазына» басшылары батыс өңірлерде IPO бағдарламасын түсіндіруде

«Самұрық-Қазына» басшылары батыс өңірлерде IPO бағдарламасын түсіндіруде

Түсіндіру науқаны басталғалы бері 50-ден астам кездесу ұйымдастырылды.

Батыс өңірлердегі жұмыс тобының мүшесі, Әлеуметтік өзара ықпалдастық және коммуникация орталығының бас директоры Елдос Өмірзақов Қазақстан халқы үшін маңызды жобаларды жұртшылықтың ортасына барып түсіндіріп, адамдармен бетпе-бет пікір алмасудың маңызы жөнінде баяндады.

«Қазір ақпарат таратудың сан түрлі тәсілі бар. Телеарна, баспасөз, интернет сайттар, бұл қатарды толықтырған әлеуметтік желілер, оның ішінде Tiktok, Reels кеңінен қолданылады. Әрине, WhatsApp арқылы жылдам ақпарат тарату да – ұтымды шешім. Алайда маңызды жобалар бойынша жұртшылықтың ортасына барып түсіндіріп, бетпе-бет пікір алмасып, сұрақтарына жауап берудің жөні бөлек», – деп жазды Елдос Өмірзақов.

Құрамына «Самұрық-Қазына» қоры, «ҚазМұнайгаз» компаниясы және KASE, AIX сынды қаржы ұйымдарының өкілдері кірген жұмыс тобы бірнеше күннен бері Қазақстанның барлық өңірінде Қор компанияларын жекешелендіру бағдарламасын түсіндіру жұмыстарын жүргізіп жатыр. Аз күн ішінде 50-ден астам кездесу ұйымдастырылды.

Түсіндіру науқаны әлі екі аптадан астам уақытқа созылады. Негізгі мақсат – 100 мыңға жуық адаммен кездесіп, Халықтық IPO бағдарламасының қалай жүзеге асатынын түсіндіру.

«Қаржы алаяқтары ҚазМұнайГаз акцияларының IPO-ға шығатынын пайдаланып, сан түрлі қауесет таратып жатыр. Жалған ақпарат жарға жықпай тұрғанда, халықпен жүзбе-жүз кездесіп, мәселенің ақ-қарасы дер кезінде түсіндірілгені маңызды. Бұл орайда бағдарлама туралы шынайы ақпаратты Ipo.sk.kz арнайы сайтынан және Samruk-Kazyna official телеграм каналынан алуға шақырамын», – деді Әлеуметтік өзара ықпалдастық және коммуникация орталығының басшысы.

Қазіргі таңда жұмыс тобы Атырау облысында кездесулер өткізіп жатыр.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: