«Самұрық-Қазына» басшылығы ҚР Президенті бастаған ресми делегация құрамында АҚШ сапарына қатысуда

Іс-сапар аясында «С5+1» форматындағы саммитке қатысу, сондай-ақ америкалық бизнес, инвестициялық қорлар және халықаралық корпорациялар өкілдерімен бірқатар екіжақты кездесу өткізу жоспарланған.

«Самұрық-Қазына» делегациясы Қазақстанның инвестициялық мүмкіндіктерін және қордың негізгі салалардағы жобаларын таныстырады.

Басты назарда тікелей шетелдік инвестицияларды тарту және Қазақстан мен АҚШ арасындағы экономикалық ынтымақтастықты нығайту мәселелері болмақ. Сондай-ақ, бірқатар келісімге қол қою жоспарланған.

«Самұрық-Қазына» басшысы Нұрлан Жақыпов The Carlyle Group компаниясының төрағасы және негізін қалаушылардың бірі Дэвид Рубенштейнмен кездесті

Тараптар инвестиция саласындағы серіктестік перспективаларын талқылады. Кездесу барысында Нұрлан Жақыпов «Самұрық-Қазына» қорының қызметі мен негізгі жұмыс бағыттары туралы айтып, холдингтің стратегиялық мақсаттары мен Қазақстан экономикасы мен инфрақұрылымын дамытуға бағытталған жобаларына тоқталды.

The Carlyle Group — 1987 жылы АҚШ-тың Вашингтон қаласында құрылған халықаралық инвестициялық компания. 453 млрд доллар сомасындағы активтерді басқарады және баламалы активтерді басқарумен және тікелей инвестициялармен айналысады. Компания портфелінде технология, энергетика, денсаулық сақтау салалары бойынша жаһандық жобалар бар.