Главная Новости «Самұрық-Қазына» және Дүниежүзілік банк серіктестік мәселелерін талқылады

08 қазан 2024, 09:14 388

«Самұрық-Қазына» және Дүниежүзілік банк серіктестік мәселелерін талқылады

Астанада «Самұрық-Қазына» АҚ басқарма төрағасы Нұрлан Жақыпов пен Еуропа және Орталық Азия елдері бойынша әділетті өсу, қаржы және институттар мәселелері жөніндегі аймақтық директоры Асад Алам кездесті.

Асад Алам мемлекеттік секторда көшбасшы және басқарушы қызметтерді дамытуға бағытталған SOE Leadership Program бағдарламасы туралы айтты.

Нұрлан Жақыпов Қордың корпоративтік басқаруы әлемдік тәжірибелер мен ЭЫДҰ стандарттарына сәйкес келетінін жеткізді. Мысалы, 2022 жылы Әзербайжан инвестициялық холдингінің мамандары тәжірибе алмасу үшін Қорға келген.

Бұған дейін Дүниежүзілік банк «Самұрық-Қазына» АҚ-ның дивиденд саясатын әлемдік үздік тәжірибелерге сәйкес деп атап, әсіресе, оның теңгерімділігі мен тиімділігін жоғары бағалаған еді.

Қыркүйекте Жақыпов Дүниежүзілік банкінің Вашингтондағы кеңсесінде болып, Дүниежүзілік банкінің басқару мәселелері жөніндегі жаһандық директоры Артуро Эррерамен кездесті. Тараптар мемлекеттік кәсіпорындардағы корпоративтік басқару мәселелерін талқылаған еді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS