«Самұрық-Қазына» және Қытай компаниялары қуаты 1 ГВт-қа дейін ЖЭС жобасын іске асырады

«Қазақстан–Қытай» инвестициялық форумы аясында Жетісу облысында жалпы қуаты 1 ГВт-қа дейін жел электр станцияларын (әрқайсысының қуаты 500 МВт болатын екі ЖЭС) салу жобасын бірлесіп әзірлеу туралы келісімге қол қойылды.

Құжатқа «Самұрық-Энерго» АҚ, China Energy Overseas Investment Company Limited және Overseas Investment Sany Renewable компанияларының өкілдері қол қойды. Жоба жаңартылатын энергия көздерінен өндірілетін электр энергиясының көлемін арттыруға және өңірдің энергетикалық инфрақұрылымын нығайтуға мүмкіндік береді.