10 сәуір 2024, 14:25 781

Самұрық-Қазына және Maire Tecnimont S.p.A басшылары ынтымақтастық перспективаларын талқылады

«Самұрық-Қазына» АҚ-да Қордың басқарма төрағасы Нұрлан Жақыпов Maire Tecnimont итальяндық инжинирингтік компаниясының бас атқарушы директоры Алессандро Бернинимен кездесті.

Нұрлан Жақыпов 2024 жылдың қаңтарында Қазақстан Президенті Қасым-Жомарт Тоқаевтың Италияға жасаған ресми сапары аясында «Самұрық-Қазына» АҚ мен Maire Tecnimont S.p.A өзара түсіністік туралы меморандумға қол қойғанын еске салды.

Заманауи технологияларымен және декарбонизация, энергетикалық ауысу саласындағы жобаларды іске асыруда мол тәжірибесі бар Maire Tecnimont біз үшін құнды серіктес саналады, өз кезегінде Қазақстанның дамуына септігін тигізеді, деп атап өтті Нұрлан Жақыпов.

Maire Tecnimont - мұнай-газ, энергетика, химия салаларындағы инжиниринг және өндіріс нысандарын салуда әлемдік көшбасшылардың бірі.