Главная Новости «Самұрық-Қазына» инвестхолдинг боп қайта құрылу жұмыстарын бастады
11 желтоқсан 2020, 13:07 1023

«Самұрық-Қазына» инвестхолдинг боп қайта құрылу жұмыстарын бастады

«Самұрық-Қазына» инвестхолдинг боп қайта құрылу жұмыстарын бастады

«Самұрық-Қазына» ҰӘҚ» АҚ Директорлар кеңесі Қордың 2021-2025 жылдарға арналған даму жоспарын бекітті. Бұл туралы қордың Стратегиялық даму жөніндегі басқарушы директоры Ләззат Боранқұлова хабарлады.

Естеріңізге сала кетейік, 13 қарашада Қор басшысы Ахметжан Есімов Тұңғыш Президент – Елбасы төрағалық еткен Қор Басқармасына Қорды инвестициялық холдингке айналдыру тұжырымдамасын ұсынды. Тұжырымдама аясында Қор 2028 жылға дейінгі жаңартылған Даму стратегиясында негізгі мақсаттарды айқындады. Олардың ең бастысы-«Самұрық-Қазына» қорының орта мерзімді келешекте жетекші егеменді әл-ауқат қорларына ұқсас инвестхолдинг ретінде жұмыс істеудің жаңа форматына көшуі.

Ләззат Баранқұлованың айтуынша, Қордың алдағы бес жылға арналған даму жоспарының негізгі міндеттері қаржылық тұрақтылықты қамтамасыз ету, корпоративтік орталық пен Қордың портфельдік компаниялары өтімділігінің жеткілікті деңгейін қолдау болып табылады.

Ләззат Боранқұлова Қордың 2021 жылы инвестициялық холдингке белсенді түрде қайта құрыла бастайтынын атап өтті. Жаңа қоржынның өсуін қамтамасыз ету үшін Қор болашақ ұрпақ қорын қалыптастыру жөніндегі жұмысты жалғастырады, сондай-ақ бірлескен инвестициялау қағидаттары бойынша тікелей инвестицияларды бастайды.

Оның айтуынша, бұл қор портфеліндегі коммерциялық активтерді қалыптастыруға мүмкіндік береді. Осылайша, қор 2024 жылға қарай  инвестициялық портфелін белсенді басқаруға толық көше отырып, портфельді оңтайландыруды және қайта құрылымдауды жалғастыруға бағытталады.

Ләззат Боранқұлова 2021 жылдан бастап Қор белсенді түрде инвестициялай бастайтынын атап өтті. Қазіргі уақытта Қор 12 басым саланы анықтады, олардың ішінде ақпараттық технологиялар, инфрақұрылымдық құрылыс, жасыл энергетика, химия өнеркәсібі, денсаулық сақтау, машина жасау, логистика, ауыл шаруашылығы, тау-кен өнеркәсібі, ғылыми әзірлемелер және т.б. Бұл тізім толық емес және әлемдік және аймақтық тенденциялар мен нарықтың өзгеруіне байланысты жыл сайын жаңартылып отырады.

Ләззат Боранқұлованың айтуынша, әлемдік дағдарыс Қор тобының қаржылық көрсеткіштеріне әсер етті. Алайда, «Самұрық-Қазына» 2020 жылды бастапқы жоспарлардан әлдеқайда жоғары нақты көрсеткіштермен аяқтайды деп күтеді.

 «Қалыптасқан сыртқы факторларға қарамастан, 2021 жылы компаниялар тобының негізгі стратегиялық көрсеткіштері ағымдағы жылдың бағасымен салыстырғанда жақсаруда. Қордың таза активтерінің құны 2021 жылы 653 млрд.теңгеге өсіп, 14 трлн. теңгені құрайды.теңге. Соңғы 6 жылда орташа жылдық өсу қарқыны 8,2%-ға, соңғы 10 жылда – 9,1%-ға тең. Күтілетін өсім 8% деңгейінде бекітілген стратегияның мақсаттарынан асып түседі », – деді Ләззат Боранқұлова.

Сондай-ақ, 2025 жылға қарай Қордың таза активтерінің құны 6,9 трлн теңгеге артып, 21 трлн теңгені құрайды деп күтілуде, ал 2021 жылы Қордың таза кірісі 523 миллиард теңгеге жетеді, бұл ағымдағы жылдың бағасынан 22% жоғары. Алдағы 4 жылда 6,2 трлн теңгенің жалпы кірісіне қол жеткізіледі деп күтілуде. Капитал тиімділігінің көрсеткіші 4,7% деңгейінде жоспарланып отыр, 2025 жылға қарай 9,1% деңгейіне дейін жақсарады.  

Осылайша, Директорлар Кеңесі бекіткен даму жоспары Қордың 2028 жылға дейінгі даму Стратегиясына толық сәйкес келеді және оны іске асыруды қолдайды. Бұдан басқа, Қор тобы 2021 жылы ағымдағы жылдың басында басталған шығыстар мен күрделі салымдар деңгейін бақылау жөніндегі жүйелі жұмысты жалғастырады.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: