11 қаңтар 2024, 08:15 1075

«Самұрық-Қазына» компаниялар тобы Future Minerals Forum-ға қатысты

145 елден 13 мыңнан астам делегат Эр-Риядтағы FMF форумында саланың негізгі мәселелерін талқылайды. Тақырыптар маңызды пайдалы қазбаларға арналған жаһандық стратегияны, озық технологияларды, тұрақты өндіріс пен жеткізу тізбегін құруды қамтиды. Форумға «Қазатомөнеркәсіп» ҰАК» АҚ мен «Тау-Кен Самұрық» АҚ өкілдері қатысуда.

Қордың портфельдік компанияларының өкілдері Сауд Арабиясы Корольдігінің инвестициялар министрі Халид әл-Фалихпен, мемлекеттік инвестициялық қордың өкілдерімен, сондай-ақ Maaden Group және Manara Minerals серіктестерімен кездесулер жоспарланған. Сонымен қатар, Cove Capital компаниясымен келіссөздер күтілуде. Естеріңізге сала кетейік, 2023 жылы Қор бұл инвестициялық компаниямен сирек кездесетін жер элементтері саласындағы ынтымақтастықты көздейтін өзара түсіністік туралы Меморандум жасасқан болатын.

Сирек кездесетін және сыни металдар энергетикадан медицинаға дейінгі жоғары технологиялық салаларда маңызды рөл атқарады. Президент Қасым-Жомарт Тоқаев сирек жерді «жаңа мұнай» деп атады. Қазақстанда 600-ден астам сирек металдар, соның ішінде вольфрам мен молибденнің айтарлықтай қоры Жоғарғы Қайрақты және Солтүстік Қатпар кен орындарында орналасқаны қолайлы болып келеді.

Сарапшылар сирек металдар нарығының тұрақты өсуін болжайды және инвесторлармен табысты өзара іс-қимыл Қазақстанға сирек жер металдарын экспорттаушы елдердің «клубында» лайықты орын алуға көмектеседі.

Еще больше новостей на нашем telegram-канале , подписывайся и будь в курсе!

К списку статей Следующая статья