15 наурыз 2023, 11:17 1002

«Самұрық-Қазына» Көрісу күні маңғыстаулық балаларға тамаша тарту жасады

Қордың 15 жылдығына орай Маңғыстау облысы Жаңаөзен өңіріне 21 ойын алаңдарының алғашқы 3-еуі халық игілігіне берілді, деп хабарлады Samruk-Kazyna official.

Өткен жылы «Самұрық-Қазына» АҚ компаниялар тобы атынан «Samruk-Kazyna Trust» қайырымдылық қоры Жаңаөзен қаласы мен Жетібай ауылында жаңа да қауіпсіз, қазіргі заманға сай футбол, баскетбол, волейбол және басқа да спорт түрлеріне арналған 21 балалар алаңдарының құрылысын бастаған болатын. Бүгінде құрылыс жұмыстары аяқтала келіп, алғашқысы Жаңаөзен қаласында ел игілігіне пайдалануға берілді.

Бұл жаңалық Жаңаөзендік балаларды ғана емес, ересектерді де зор қуанышқа бөледі. Көлемі 1200 шрашы метрді құрайтын ойын алаңы сапа жағынан барлық талаптарға сай келеді әрі орналасқан аумағының инфрақұрылымына да көрік беріп тұр.

Наурыз айының соңына дейін әрқайсының аумағы 400-ден 1200 шаршы метрге дейінгі тағы да 18 спорт алаңы тұрғындарға пайдалануға берілетін болады.