15 қыркүйек 2022, 14:02 1689

«Самұрық-Қазына» қоры басым жобалардың екінші пакетін жариялады

«Самұрық-Қазына» қоры Қазақстандағы 16 жаңа басым инвестициялық жобалардың тізімін ұсынды. Бұл туралы бүгін «Самұрық-Қазына» АҚ Басқарма төрағасы Алмасадам Сәтқалиев ҚР Президенті жанындағы Орталық коммуникациялар қызметінде өткен баспасөз брифингінде мәлімдеді.

Қор 13 басым жобаның бірінші пакетін 2022 жылдың көктемінде жариялады. Оған Алматы ЖЭО-ны газдандыру, Батыс Қазақстанды сумен жабдықтау, жаңа газ құбырлары мен темір жолдар салу сияқты бастамалар кірді.

16 жобаның жаңа тізімінде – мұнай-газ химиясы, Ұлттық электр желісін жаңғырту, базалық қуат көзін салу, жаңартылатын энергия көздерін дамыту жобалары, 5G интернет желісін салу, жаңа теміржолдарды салу және тағы басқа жобалар қамтылған.

Жобалар Қазақстан халқының өмір сүру сапасын жақсартуға бағытталған. Жұмыс орындарын ашуға байланысты тікелей әсер етуден басқа, жобалар жанама ұзақ мерзімді әсерлерге ие – еңбек жағдайлары мен экологиялық ахуалды жақсартудың, тіршілік ету деңгейін арттырудың, әлеуметтік инфрақұрылымды дамытудың, бизнесті дамытуды ынталандырудың жиынтық нәтижесі.

Еще больше новостей на нашем telegram-канале , подписывайся и будь в курсе!

К списку статей Следующая статья