11 желтоқсан 2023, 16:21 1506

«Самұрық-Қазына» Қоры еліміздегі ең ірі балалар хоккей турнирін ұйымдастырды

Бүгін Астанада «SAMRUK BALA CUP 2023» балалар хоккей турнирі басталды. Турнирге Қазақстанның 8 өңірінен және Өзбекстан мен Қырғызстаннан барлығы 24 командадан құралған 300 бала қатысуда.

Турнирдің негізгі мақсаты – ҚР өңірлерінде хоккейді насихаттау және дамыту. Жарыс «Самұрық-Қазына» АҚ-ның қаржылай қолдауымен «Altyn shaibaly» жобасы аясында жоспарланған алғашқы хоккей сайысы.

Ойындар 11-14 желтоқсан аралығында «Барыс» спорт кешенінде өтеді.

Айта кетейік, «Altyn shaibaly» жобасы аясында 2024 жылы ауылдық жерлердегі балаларға арналған тағы екі ауқымды балалар хоккей жарысы ұйымдастырылады. Бүгінде еліміздің түкпір-түкпірінен аталмыш жарысқа қатысу үшін 200-ден астам өтінім келіп түсті.