«Самұрық-Қазына» мен «ЛУКОЙЛ»: мұнай-газ саласындағы ынтымақтастық

Қор басшысы Президент Қасым-Жомарт Тоқаевтың Шетелдік инвесторлар кеңесінің қорытындылары бойынша берілген 2020 жылдың қараша айындағы тапсырмасына сәйкес Қазақстан Республикасының Үкіметімен бірлесіп, мұнай-газ саласының инвестициялық тартымдылығын жақсарту, оның ішінде Каспий қайраңындағы теңіз жобаларын дамыту бойынша белсенді жұмыс жүргізіліп жатқанын атап өтті.

«ЛУКОЙЛ» ЖАҚ «ҚазМұнайГаз» ұлттық компаниясымен бірлесіп «Жеңіс» теңіз кен орнында геологиялық зерттеулер мен іздестіру-барлау жұмыстарын жүргізуде, сонымен қатар теңіздегі кеніштерден Қазақстанның ішкі нарығына мұнай жеткізу мәселесі қарастырылуда.

Одан басқа, үкіметаралық келісімдер аясында жүзеге асырылып жатқан Хвалынское және Центральное жобаларының ТЭН әзірлеу жалғасуда. Алмасадам Сәтқалиев компаниялар арасындағы өзара әрекеттестіктің жоғары деңгейін атап айтып, перспективті  мұнайгазхимиялық жобаларында белсенділікті арыттыруды ұсынды.

Қазіргі уақытта «ЛУКОЙЛ»-мен бірлесіп «Теңіз» және «Қарашығанақ» ірі мұнай кен орындарын өңдеу, мұнайды Каспийлік құбыр консорциумы арқылы тасымалдау жүргізіліп жатыр. 2019 жылы Алматы облысында «ЛУКОЙЛ» қуаттылығы жылына 100 мың тонна болатын майлау материалдарын өндіретін зауыт салды.