Главная Новости Самұрық-Қазына тұрмысы төмен отбасыларды қолдауға дайын
Озық тәжірибе23 мамыр 11:43 289

Самұрық-Қазына тұрмысы төмен отбасыларды қолдауға дайын

Самұрық-Қазына тұрмысы төмен отбасыларды қолдауға дайын

Бүгін "Самұрық-Қазына" АҚ Басқарма төрағасы Ахметжан Есімов пен ҚР Еңбек және халықты әлеуметтік қорғау министрі Бердібек Сапарбаев бизнестің әлеуметтік жауапкершілігі жөнінде меморандумға қол қойды. Уағдаластық аясында еліміздегі әлеуметтік тұрғыда әлсіз саналатын азаматтар қатарын қолдау бойынша бірқатар жобалар жүзеге асырылмақ деп хабарлайды SKnews.kz тілшісі.

Мәселен, Қор басшысының айтуынша, сал ауруына шалдыққан 1500 баланы оңалтуға, Қазақстанда ем жасалмайтын 10 балғынды шетел емханаларына жіберуге, шалғай елдімекендерде тұратын 60 мың адамды медициналық көмекпен қамтуға, 1400 соғыс ардагері мен тыл еңбеккерінің ТМД аумағында пойызда тегін жүруіне және кем дегенде 40 әмбебап балалар ойын алаңын салуға күш салынады.

Сонымен қатар, жасы 18-ге толмаған кемінде 30 бала мен жасөспірімнің зияткерлік, шығармашылық немесе спорт сайыстарына баруы үшін жол шығындарын көтеріп алу жоспарланған. Жоғарғы оқу орындарының іріктелген 30 дарынды түлегінің көкжиегін кеңейту, кемінде 60 түлекті өндіріс салаларын цифрландыру жобаларында тәлімгерлік бағдарламаға қабылдау және жұмысқа орналастыру қарастырылған.

Меморандум кем дегенде 50 коммерциялық емес ұйымның бастамаларына қаржылық және басқа да көмек көрсету арқылы әлеуметтік кәсіпкерлікті дамыту, мүгедектер ұйымдарын қолдау мақсатымен олар өндірген тауарларды сатып алу мәселелелерін қамтиды.

"Осылайша әлеуметтік саланы әрі қарай да жан-жақты дамытуға, жекелеген азаматтар санатының өмір сүру сапасын арттыруға, тың әлеуметтік бастамаларды іске асыруға қажет ортақ күш-жігерді біріктіре аламыз", - деді Ахметжан Смағұлұлы.

Министр басқа да бизнес өкілдерін әлеуметтік жауапкершілікті нығайтуда Қор компанияларынан үлгі алуға шақырды.

"Біз, расында, "Самұрық-Қазына" ұлттық әл-ауқат қорының тұтас Қазақстан бойынша көптеген әлеуметтік мәселелерді шешіп жатқанын білеміз. Әсіресе балалардың, жарымжан кісілердің, ардагерлердің денсаулығын жақсартуға тұрақты іс-шаралар атқарылуда. Мысалы Ақтөбе өңірін басқарғаннан қанықпын, ол жақта сіздердің компанияларыңыз халық ризашылығына бөленетін игілікті істерге мұрындық болды. Бүгінгі ниеттеріңіз үшін де алғысымды айтамын. Сіздердің бұл қадамдарыңыз елімізде жұмыс істеудегі өзге де кәсіпорындарға өнеге болуы тиіс", - деген Бердібек Машбекұлы жалақының уақтылы төленуі, еңбек қауіпсіздігі сияқты маңызды бағыттарда да бірлесе әрекет етуге әзір екендіктерін жеткізді. 

Меморандум Елбасының "Бақуатты қоғам: онжылдықтың 10 мақсаты" бағдарламасы шеңберінде жасалды.

"Самұрық-Қазына" холдингіне кіретін барлық компаниялардың атынан қайырымдылық қызметін "Samruk-Kazyna Trust" әлеуметтік жобаларды дамыту қоры жүргізеді.  2019 жылы аталған қор жалпы құны 4,8 млрд теңге болатын, әлеуметтік маңызды мәселелерді шешуге бағытталған 15 жобаны жүзеге асырып отыр. Сал ауруына шалдыққан 1170 балаға тегін оңалту курстары ұйымдастырылды. Мектеп жасындағы 9000-нан астам жасөспірім Қордың қолдауымен оқу және спорт үйірмелеріне тегін қатысып жүр.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: