«Самұрық-Қазынамен» жарқын болашаққа

Бойжеткен «Samruk-Kazyna Trust» қоры қаржыландыратын «Жарқын болашақ» жобасы арқылы Т. Жүргенов Қазақ ұлттық өнер академиясына түсіп, актриса мамандығына білім алуда.

Ол 2-курстың студенті. Екі жылдың ішінде ерекше қабілетімен көзге түсіп үлгерген Мәдина қазір отандық сериалдардың бірінде эпизодтық рөлдерді ойнап жүр. Сонымен қатар, таяуда еліміздің кинотеатрларында көрсетілетін фильмде тағы жаңа қырынан танылды.

Мәдинаның арманы өнер жолында жарқын белестерді бағындырып, отандық кино туындыларда басты рөлді сомдау.

«Қызымды қазақ өнерінің қара шаңырағында оқыту үш ұйықтасам түсіме кірген жоқ. Оқу шығынын көтере алмаймыз деген қорқынышпен Жаңаөзенге жақын маңдағы оқу орнын таңдап, сұранысқа ие тарих пәнінің мұғалімі болуға үгіттедім. Мектепте сабағының бәрі кілең «бестік» болып, жарыстардан бас жүлде мен I орынды алмай қайтпайтын жігерлі болып өсті. «Жарқын болашақ» жобасы арқасында Алматыға оқуға түсіп, бала арманының орындалуына септігі тиді. «Самұрық-Қазына» қорына алғысым шексіз», - дейді Мәдинаның анасы Нұрбала Демегенова.