Сапа – басты басымдық

Атап айтқанда, қазіргі уақытта Қаламқас және Жетібай кен орындарында жұмысшылардың ауысымдық киімдерін сақтауға арналған металл шкафтарды ауыстыру жұмыстары жүргізілуде. Киім ауыстыратын бөлмелердегі шкафтар біраз жылдан бері жаңартылмаған, сондықтан бұл мәселе ең өзекті мәселелердің бірі болып тұр.

Тендер нәтижелері бойынша шкафтар дайындайтын компания белгілі болды, алайда жеткізілім басталғанға дейін өнімдермен танысып, оның жоғары сапа стандарттарына сәйкестігіне алдын ала көз жеткізу мақсатында Бас директордың әкімшілік және әлеуметтік мәселелер жөніндегі орынбасары Ермек Коптлеев бастаған "Маңғыстаумұнайгаз" АҚ жұмыскерлер тобы - Қоғам цехкомдары - Мирас Сұлтанов (ҚМГ ӨБ №1 МГӨК), Ержан Мұратбаев (ЖМГ ӨБ №1 МГӨК), Ерлан Әділханов (ҚМГ ӨБ №1 МГӨК ҚЖПЖЦ), Берік Сәбиев (ЖМГ ӨБ ҚҚҰЦ) дайындаушы зауытқа (Алматы қаласындағы "Эталон" ЖШС) арнайы барып, шкафтардың дайындалу барысымен танысты.

«Шкафтардың шынымен жоғары сапалы екеніне көз жеткізсек дейміз. Өнімдер кенорындарға жеткізіліп, жұмысшылар игілігіне берілгеннен кейін сапасы нашар болып шығып, есіктері сынып немесе сөрелерінің құлап жатқанын қаламаймыз, – деді Ермек Коптлеев. – Сондықтан зауытқа алдын ала барып, шкафтарды қарап, тексеріп жатырмыз. Құрастыру процесімен таныстық. Зауыт өкілдеріне өнімді дайындау кезінде ескерілуі тиіс бірнеше мәселелерді тапсырып, өз тарапымыздан ұсыныстар жасадық. Жалпы, алдағы айларда Қаламқас және Жетібай кен орындарында 810 дана шкафты жаңарту жоспарлануда. Жаңа өнімдер ұзақ және сенімді қызмет етеді деп үміттенеміз және біздің мұнайшылар жаңа шкафтар сапасына риза болады деп сенеміз».