Сарапшылар ЖОО түлектерін теміржол саласына жұмысқа орналастыру мәселелерін талқылады

Талқылауға ҚР Көлік вице-министрі Сәтжан Аблалиев, «Самұрық-Қазына» АҚ адам ресурстарын басқару департаментінің директоры Эльмира Каримова, Ғылым және жоғары білім министрлігінің өкілдері, 17 ЖОО оқытушылары, Логистика және көлік академиясының, Халықаралық көлік-гуманитарлық университетінің және Қаныш Сәтбаев атындағы Қазақ ұлттық техникалық университетінің түлектері қатысты.

Дөңгелек үстел барысында ҚТЖ қозғалыс қауіпсіздігі департаментінің директоры Марат Шәкенов теміржол ЖОО-лары компанияның кадрлар даярлау саласындағы негізгі серіктестері екенін атап өтті. Оның айтуынша, компанияға бастамашыл, жоғары жауапкершілікті, жақсы теориялық базаның, өршіл және перспективалы кадрлардың болуы қажет. Өз сөзінде М. Шәкенов теміржолды дамытудың негізгі бағыттарын атап өтті. Үздіксіз тасымалдауды қамтамасыз ету және желінің өткізу мен тасымалдау қабілетін арттыру үшін ҚТЖ бірқатар стратегиялық жобаларды іске асыруда. Достық – Мойынты теміржол учаскесінің екінші жолдары салынуда.

Экспорт пен транзитті ұлғайту үшін Дарбаза – Мақтаарал және Жетіген – Қазыбек-Бек желілерінің құрылысы басталды. Қазақстан-Қытай шекарасында үшінші шекара өткелінің ашылуымен Бақты-Аягөз теміржол желісінің құрылысын іске қосу жоспарлануда. Үш жыл ішінде ҚТЖ 1300 шақырымнан астам темір жол салады. Жылжымалы құрамды жаңарту бойынша жоспарлы жұмыс жүргізілуде, бизнес-процестер автоматтандырылуда.

Кездесуде ҚТЖ адами ресурстарды басқару департаментінің директоры Сәуле Истлеева компанияның 2023 – 2024 жылдардағы бейінді оқу орындарымен өзара іс-қимылының жол картасын іске асыру қорытындысын шығарды. Құжат студенттерді дуальды оқытудан, практикадан және тағылымдамадан бастап жоғары оқу орындары мен орта оқу орындарының оқытушылар құрамының біліктілігін арттыруға дейінгі бірнеше бағыттарды қамтиды. Компания болашақ мамандарды сапалы оқытуға мүдделі және білім беру процесін жақсартуға өз үлесін қосады. Жол картасы аясында ҚТЖ ЖОО/ООО-мен ынтымақтастық туралы 23 меморандумға қол қойды. 1000 астам студент ҚТЖ-да тәжірибеден өтті, 612 студент дуалды жүйе бойынша білім алды. бейінді ЖОО/ООО-ның 439 түлегі жұмысқа орналастырылды, тағы 44 колледж студенті «Жолсеріктердің жазғы студенттік отрядтары» жобасы аясында жұмыс тапты. ҚТЖ сарапшылары ҚазККА-да 13 қонақ дәріс өткізді, 30 оқытушы ҚТЖ-да біліктілікті арттыру курстарынан өтті. Компанияда жол картасын іске асыру болашаққа тікелей инвестиция ретінде қарастырылады, өйткені ҚТЖ-ның басты құндылығы адами капитал болып қала береді.

2024 жылы ҚТЖ-да жазғы студенттік отрядтар, «Жас темір» бағдарламасы жұмысын жалғастырады. «Мен ҚТЖ-ны ұсынамын» челленджі басталады, сондай-ақ Ашық есік күні және ЖОО/ООО-да Бос орындар жәрмеңкесі өтеді.

Дөңгелек үстел барысында студенттер теміржол саласындағы мансаптық мүмкіндіктер туралы білді. Мотивациялық сессиялардың спикерлері ретінде ҚазККА-ның түлектері-ҚТЖ құрылымдық бөлімшелерінің басшылары сөз сөйледі.