Главная Новости Семей теміржолшылары арнайы киіммен толық қамтылған
Компания тынысы27 тамыз 2021, 13:36 445

Семей теміржолшылары арнайы киіммен толық қамтылған

Семей теміржолшылары арнайы киіммен толық қамтылған

Бүгінгі таңда Семей ЖТ бөлімшесі бойынша теміржолшылардың әлеуметтік ахуалын жақсарту мәселелерімен бір қатарда оларға қолайлы жұмыс орнын жасау, еңбекке қажетті құрал-жабдықтармен және арнайы қызметтік киіммен қамту шаралары да тұр. Бұл туралы «Қазақстан теміржолшысы» жазды.

Бөлімше басшылығының ерекше назарға алуымен аталмыш бағытта бірқатар жұмыс жүргізілді. Сол себепті, қазіргі күні бөлімшедегі, желі бойындағы барша теміржолшыларды арнайы жазғы және қысқы қызметтік киімдермен, аяқ-киіммен қамту (шұлықтарды қоса алғанда) 100 пайызды құрап отыр.

Бұл ретте жазғы және қысқы киімдерді сатып алу бойынша ұзақ мерзімді келісім шарт жасалған болатын. Яғни, ағымдағы жылдың наурыз айындағы келісім бойынша енді екі жыл аралығында «Тараз- КожОбувь» ЖШС, «Қарағанды аяқкиім фабрикасы» ЖШС, ПКК «Арго» ЖШС теміржолшыларға қажетті маусымдық киімдерді дер кезінде жеткізіп тұрады. Қазіргі таңда ерлер мен әйелдерге арналған былғарыдан тігілген сапалы аяқ киімдер қолданысқа енгізілген.

Сол тәрізді коронавирус инфекциясына қарсы қорғаныш құралдарын сатып алу бойынша да «Заман» ЖШС және «Ардагер-М-Comрanу» ЖШС-мен аралықта тығыз әріптестік орнатылған. Бұл орайда медициналық қолғаптар мен қажетті антисептиктер теміржол мекемелеріне уақытында жеткізілуде. Ал Mega Pfarma ЖШС жеткізетін бір реттік медициналық бетперденің 42642 данасына тапсырыс берілген екен. Бір айта кетерлігі, бүгінгі күнге дейін қызметтік киімдер бойынша теміржолшылар тарапынан ешқандай шағым тіркелмепті.

Қуаныш Кожаев

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: