Сенім сертификаты – еңбек қауіпсіздігінің кепілі

Құжат теміржол кәсіпорындары қызметкерлерінің еңбек құқықтарын сақтауының, қауіпсіз жұмыс жағдайларын қамтамасыз етудің жоғары деңгейін куәландырады.

Сенім сертификаттары қызметі еңбек заңнамасы мен еңбекті қорғау талаптарына сәйкестігі, бірнеше критерийлер бойынша тексеруден өткен «ҚТЖ» ҰК» АҚ  бөлімшелеріне беріледі. Негізгі критерийлердің бірі – 7, 10 және 15 жыл ішінде өндірістік жарақаттанудың болмауы.

15 жылдан астам өндірістік жарақатсыз жұмыс істеген желілік кәсіпорындар 1-класты сенім сертификаттарына ие болды. Бұл Қостанай белгі беру және байланыс дистанциясы, Сексеуіл локомотив пайдалану депосы, «Теміржолсу-Арыс» ЖШС және басқалары.

12 желілік кәсіпорынға, оның ішінде Серебрянск жол дистанциясы, Құлсары белгі беру және байланыс дистанциясы және басқаларға 2-класты сенім сертификаттары табысталды. Олар өндірістік жарақатсыз 10 жылдан астам уақыт жұмыс істеген.

Жеті жыл ішінде 15 желілік бөлімшеде (Қандыағаш локомотив пайдалану депосы, Есіл жол дистанциясы және басқалар) бірде-бір жазатайым оқиға тіркелген жоқ. Осы кәсіпорындар ұжымы 3-класты сенім сертификаттарына ие болды.

Сенім сертификаты желілік бөлімшелерді еңбек заңнамасының талаптарын сақтау бойынша жоспарлы тексерулерден босатады және қол жеткізілген көрсеткіштерді қолдауға міндеттейді.