18 қараша 2022, 13:36 1093

Шетелге ұшатын жолаушыларды тіркеу уақыты өзгерді

Астана әуежайынан шетелге ұшатын жолаушыларды тіркеу бұдан былай әуе кемесі ұшқанға дейін екі сағат бұрын басталады. Бұл туралы «Нұрсұлтан Назарбаев халықаралық әуежайының» баспасөз қызметі хабарлады.

«Қазақстан әуежайларында жолаушыларға қызмет көрсетуді ұйымдастыру қағидаларының 6-тармағына сәйкес, ұшатын жолаушыларды тіркеу бұдан былай халықаралық рейстерде әуе кемесі ұшқанға дейін (әуе кемесіне және жолаушылар санына байланысты) екі сағат бұрын басталады. Бұрын тіркеу ұшудан үш сағат бұрын басталатын», – делінген әуежай хабарламасында.

Ал ішкі бағыттар бойынша рейстерге ұшуды тіркеу уақыты өзгеріссіз қалады, яғни тіркеу 1,5 сағат бұрын басталады.

Еще больше новостей на нашем telegram-канале , подписывайся и будь в курсе!

К списку статей Следующая статья