Главная Новости Шойын жол бойындағы қауіпсіздік Семейде де өзекті
28 қыркүйек 2021, 09:40 926

Шойын жол бойындағы қауіпсіздік Семейде де өзекті

Шойын жол бойындағы қауіпсіздік Семейде де өзекті

Семей ЖТ бөлімшесінде желі бойындағы қауіпсіздік мәселесі күн тақырыбынан түспей тұр. Әсіресе, жол өтпелері мен теміржолды белгіленбеген жерден кесіп өтушілер қатары азаяр емес.

Осы орайда Семей станциясы ның желілік полиция қызметкерлері өткізіп жатқан «Тоқтаңыз! Басып кету қаупі бар!» арнайы акциясы желі бойында тәртіпсіздік пен құқықбұзушылыққа жол бермеу, сонымен қатар, пойыздардың адамдарды басып кету фактілерінің алдын алуға бағытталып отыр. Акция аясында желілік полиция өкілдері Семей магистральдық желі бөлімшесі қызметкерлерімен, станция басшыларымен бірлесіп бүкіл бөлімше көлемінде түсіндіру жұмыстарын жүргізіп жатыр.

«Акция барысында тұрғындар, әсіресе балалар мен жасөспірімдер арасында кең көлемде жұмыс жүргізу көзделіп отыр. Азаматтардың құқықтық танымын арттырып, теміржолдағы қауіпсіз жүріп-тұру мәдениетін қалыптастыру бойынша іс-шаралар атқарылуда», – дейді бұл ретте Семей станциясындағы ЖПБ әкімшілік полиция бөлімінің бастығы Рүстем Әбеуов.

Айта кетерлігі сол, қауіпсіздік шараларымен бірге қоғамдық орындардағы тәртіпсіздік, жаппай пайдалану орындарын ластау, заңсыз сауда жасау сынды келеңсіздіктердің алдын алу бойынша да ақпараттандыру жұмыстары қатар жүргізілуде. Заң бұзушылықтың бұл түрлері желі бойындағы теміржолшылар қауымына да кеңінен түсіндіріліп жатыр. Оған Шар, Жаңғызтөбе, Жарма сынды станция басшылары мен НЖС-6 қызметкерлері де атсалысуда.

Қуаныш Кожаев

Дереккөз: «Қазақстан теміржолшысы»

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: