Шығыс Қазақстан облысында 10 жайлы мектеп бой көтереді

Мәселен, «Жайлы мектеп» пилоттық ұлттық жобасы аясында ШҚО-да жалпы құны 34 717,4 млн теңгені құрайтын 4200 орындық 10 мектеп салу жоспарлануда. Бұл туралы құрылыс, энергетика және ТҮКШ басқармасының басшысы Дидар Кеңесбаев баяндады.

Облыс әкімі Ермек Көшербаев «Жайлы мектеп» жобасын іске асыруда білім министрлігімен өзара байланыса отырып әрбір нақты мектептің мүдделері мен өңірлік ерекшеліктерін ескеру қажет екенін атап өтті.

Сондай-ақ, жиын барысында денсаулық сақтау мәселелеріне ерекше назар аударылды.

«Облыста қажетті медициналық жабдықтармен (рентген-аппараттармен, УДЗ, ЭКГ және гинекологиялық қарау жабдықтарымен) жабдықталған 7 жылжымалы медициналық кешен жұмыс істейді», – деді Денсаулық сақтау басқармасының басшысы Гүлмира Сағидуллина.

Шығыс Қазақстан облысының әкімі жылжымалы медициналық кешендер жұмысының нақты тиімділігін бағалауды тапсырды.

«Жобаның мақсаты – алыс-шалғайдағы елді мекендердің де уақтылы, сапалы медициналық көмекпен қамтамасыз етілуіне қол жеткізу. Сондай-ақ бізге осы уақытқа дейін пайдасы тиген PACS медициналық деректер алмасу жүйесін басқаруды жетілдіру бойынша да жұмыс істеу қажет», – деп түсіндірді Ермек Беделбайұлы.

Сонымен қатар, әкімнің айтуынша, жақын арада Шығыс Қазақстандықтар облыстық деңгейдегі міндеттерді шешуде  министрліктер мен ведомстволардың жергілікті өкілдерінің бірлескен жұмыстарының нәтижелерін көреді.