Шығыстағы ауылдар сапалы интернетпен қамтыла бастады

Ауылдардың орналасқан жері станция салуға көп кедергі келтірді: өйткені тау радиосигналды кері қайтарады немесе жұтып жібереді. Осы мәселені шешу үшін сигналдың қуатты базалық көзі, яғни талшықты-оптикалық байланыс желісі қажет болды. Сондықтан «Қазақтелеком» АҚ бүкіл елге ТОБЖ тарту жобасы аясында Ұлан ауданына оптикалық желі тартып әкелгендіктен жаңа станцияны салуға мүмкіндік туды. Айтпақшы, «АЕМ ТОБЖ» жобасы аясында 2 жылда ШҚО-да 1800 километр «оптика» тартылып, облыстың 94 ауылындағы 300-ден астам мемлекеттік мекеме жылдамдығы жоғары интернетпен қамтылды.

«Қазір Kcell мен Tele2 тағы бір жоба – «250+» бағдарламасын іске асырып отыр. Оның аясында 250 және одан көп тұрғыны бар ауылдар жылдам интернетпен қамтылады», – дейді Шығыс ӨТД телекоммуникация желілерін дамыту және пайдалану қызметінің бастығы Аслан Толықбаев.

Бұрын бұл ауылдардың тұрғындары тұрақты байланысты қолданушы еді, бірақ енді қазіргі телекоммуникация қызметінің бәрін тұтына алады.

«Қазақтелекомның» арқасында Бестерек ауылындағы 22 отбасы қашықтан оқып, онлайн қызметтерді қолданып жүр. Ізғұтты Айтықов ауылында компания мамандары сигналды жақсы ұстайтын төбешікті тауып, екі ауылға да сигнал жететіндей етіп станция орнатты», – дейді Ұлан ауданы әкімдігінің ішкі саясат бөлімінің басшысы Нұрқат Садықов.

Ауылдардағы дерек жіберу жылдамдығы 8 Мбит/с дейін жетеді, ол HD-сападағы фильмдерді жүктеп алуға жетеді.

«Бұрын Интернетке кіру бір азап еді, бірақ қазір оқытушылар еш қиындықсыз kundelik.kz толтырып, конференцияларға қатысып жүр, жергілікті студенттер бізге келіп қашықтан емтихан тапсырып жүр», – дейді Қ.Қайсенов атындағы орта мектептің директоры Арқат Рақымбердинов.

Еске сала кетейік, былтыр «Қазақтелеком» еліміздің 828 ауылына 14,5 мың км ТОБЖ тарту жобасын аяқтады.