21 маусым 2022, 15:45 1037

Шымкентте локомотив паркі жаңартылады

Шымкент қаласында «Экологиялық және радиациялық қауіпсіздік» тақырыбында семинар өтті.

Оған «ҚТЖ-Жүк тасымалы» ЖШС филиалдарының желілік және аймақтық деңгейдегі еңбек қауіпсіздігі және экология қызметінің мамандары, Техникалық саясат басқармасының, «ҚТЖ» ҰК» АҚ Еңбек қауіпсіздігі және экологияның сақтау инспекциясының, «Жолаушылар локомотивтерінің техникалық дамуы және өнеркәсіптік қауіпсіздігі департаменті» ЖШС, «ҚТЖ-Жүк тасымалы» ЖШС өнеркәсіптік қауіпсіздік және экология департаментінің өкілдері қатысты.

Көміртегі бейтараптығына қол жеткізу үшін локомотив паркін кезең-кезеңімен жаңарту, сұйытылған газбен жүретін локомотивтерді пайдалану, Достық-Мойынты учаскесін электрлендіру жоспарланып отыр.

2021 жылы дизельдік отынды тұтыну 2013 жылмен салыстырғанда 24%-ға төмендеді, бұл парниктік газдар шығарындыларын 22,5%-ға азайтты.

Әр филиалда радиациялық қауіпсіздік бойынша арнайы қызметтер құрылған. Оның құрамына жол бөлімшелерінің, пайдалану локомотив депосының, вагон депосының және станцияның қызметкерлері кіреді.