Сіздің қарызыңыз жабыла ма? Тексеріп көріңіз

Сурет: ашық дереккөзден

Қазақстан азаматтарының несие қарызын азайту бойынша Мемлекет басшысының арнайы Жарлығы шыққаны белгілі. Қазіргі кезде 300 мың теңгеге дейін банк алдындағы борышы өтеліп қуанғандармен бірге, тізімнен өзін таба алмай жатқандар да жолығуда. Осы орайда келесі сілтеме арқылы өтіп http://nws6.enbek.kz/ru/status-check, бағдарламаға ілігесіз бе, соны тексеріп көріңіз. Ол үшін жеке куәлігіңіздегі ЖСН (ИИН) терсеңіз жеткілікті.

Егер тағы қосымша сұрақтар туындаса, бірыңғай 111 нөміріне қоңырау шалуға немесе халыққа қызмет көрсету орталықтарына (ЦОН) баруға болады.

Кепілсіз тұтыну несиелері бірреттік тәртіпте өтелетін мұқтаж санаттар:

есейіп кетпеген 4 баласы бар көпбалалы отбасылар;

асыраушысынан айрылу жағдайына байланысты төлем алатын отбасылар;

18 жастан асқан, бала жасынан мүгедектер бар отбасылар;

атаулы мемлекеттік әлеуметтік көмек алатындар;

жетім балалар, ата-анасынан кәмелеттік жасқа дейін айырылған, жиырма тоғыз жасқа толмаған, ата-ананың қамқорлығынсыз қалған балалар.