SK Construction басшысы Абай облысындағы жайлы мектептер құрылысымен танысты

Мәулен Айманбетовтің өңірлер бойынша жұмыс сапары жалғасуда. Павлодар облысындағы жағдаймен танысқаннан кейін 13 ақпанда Samruk-Kazyna Construction Басқарма Төрағасы Абай облысына барды. Өңірде «Жайлы мектеп» ұлттық жобасы аясында 11 мектеп салынады, оның 5-і биыл есігін айқара ашады.

Семейге барар жолда Айманбетов ағымдағы жылдың 1 қыркүйегіне дейін тапсырылатын Бесқарағай ауылындағы 300 орындық мектептің құрылыс учаскесіне барды. Мердігер «Құрылыс» ЖШС жер қазу бойынша жұмыстарды орындады, іргетас құрылысы басталды. Бесқарағай ауданының әкімі Талғат Мұратов мектепке сыртқы инженерлік желілерді тарту жағдайы туралы баяндады. Бүгінгі таңда жоба әзірленіп, мемлекеттік сараптаманың оң қорытындысын алды, мердігерлік ұйымды анықтау процесі жүріп жатыр.

Облыс орталығы Павлодар қаласында Samruk-Kazyna Construction басшысы «Қарағайлы» тұрғын алабындағы 1200 орындық жайлы мектептің құрылыс алаңына барды. Мердігер «AN Groups» ЖШС жұмыс кестесінен озып келе жатыр. Сондықтан, 1 қыркүйекте білім ошағы балаларды қабылдайды.

2024 жылы Абай облысында 1 қыркүйекке дейін 2 мектеп пайдалануға беріледі, ал 3 мектеп жыл соңына дейін ашылады. Ұлттық жобаны іске асырудың екінші кезеңінде 2024-2025 жылдары тағы 6 нысан салынады.

18.00-де Айманбетов облыс әкімі Нұрлан Ұранхаевпен бетпе-бет кездесіп, жұмыс отырысы өтті. Оған мердігерлер, сондай-ақ онлайн режимде Samruk-Kazyna Construction орталық аппараты мен жобалау компанияларының өкілдері қатысты.

Басқарма төрағасы өңір басшысына «Білім туралы» заңға енгізілген өзгерістер туралы еске салды. Оған сәйкес «Жайлы мектеп» ұлттық жобасы шеңберінде мектептерге сыртқы инженерлік желілерді жобалау және салу бойынша сатып алуды бір көзден жүргізуге болады. Яғни, мемлекеттік сатып алу туралы Заң ұлттық жобаға қолданылмайды. Облыс, республикалық маңызы бар қала, астана әкімі мердігерлерді айқындап, олармен азаматтық-құқықтық шарттар жасып, қазынашылық органдарында тіркесе жеткілікті. Бұл конкурстық рәсімдерге уақытты үнемдеуге және жайлы мектептердің уақтылы қолданысқа тапсырылуын қамтамасыз етеді.

«Барлық жиһаз өнімдері өңірдің білім басқармасымен келісілуі тиіс. Болашақ мектептердің әкімшілігі мен штатын құруды бастау керек, олар әрлеу мен жабдықтау жұмыстарының басы-қасында жүруі тиіс. Осының бәрін назарға алып, тиісті тапсырмалар беруіңізді сұраймын», - деді Мәулен Айманбетов.

Сондай-ақ, 2025 жылға жоспарланған болашақ жайлы мектептер үшін жер учаскелерін бөлу және рәсімдеу мәселелері талқыланды. «Азаматтарға арналған үкімет» КЕАҚ Абай облысы бойынша филиалымен құқық белгілейтін құжаттарды бере отырып, жер учаскелерін ресімдеу туралы шартқа қол қойылды. Қазіргі уақытта 5 жер учаскесін Samruk-Kazyna Construction атына рәсімдеу бойынша жұмыс жүргізілуде, 1 учаске бойынша процесс басталды. Қазірдің өзінде жергілікті атқарушы органдар мектеп құрылысына бөлінген учаскеге инженерлік коммуникацияларды жеткізуді бастауы қажет.

Жиын қорытындысы бойынша Нұрлан Ұранхаев Samruk-Kazyna Construction тарапынан барлық мәселелер шешілгеніне, қаржыландыру бөлінгеніне көз жеткізді. Енді жұмысты бастап, қарқынын арттыру және жобаны лайықты аяқтау қалады. Абай облысының әкімі барлық мәселелерді бақылауға алатынын айтты