Главная Новости SK Construction басшысы Мәулен Айманбетов: Уақыт алтынға тең, сондықтан іске қарқын қосу керек

11 қазан 2023, 13:33 933

SK Construction басшысы Мәулен Айманбетов: Уақыт алтынға тең, сондықтан іске қарқын қосу керек

Samruk-Kazyna Construction басшысы "Курылысшы-ТБС" ЖШС өкілдерімен кездесті. Күн тәртібіне мердігер ұйымның төмен көрсеткіштері шығарылды. Компания Алматы облысындағы 8 жайлы мектепті тұрғызбақ. Учаскелердегі құрылысқа дайындық өте баяу жүргізіліп жатыр, жерді қазу жұмыстары әлі аяқталмаған. Оған жобалаушылар, нақты айтқанда "Конструктив-А" ЖШС себеп. Ұйым өзіне жүктелген міндетті атқаруға асықпайтын көрінеді. Сызбалар дайын емес, мектептердің орналасуы да әлі белгіленбеген. Жауапсыздық танытқаны үшін жобалаушыларды енді «профилактикалық шара» күтіп тұр.

"Құрылысшы-ТБС" серіктестігіне жағдайды түзеуге бір апта уақыт берілді. Мәулен Айманбетов 7 күннің ішінде барлық учаскелерді бейнебақылау жүйесімен қамтып, жер қазу жұмыстарын аяқтап, техника мен мамандарды жұмылдыруды жүктеді. Сондай-ақ, құрылыс алаңдарын реттеп, талшықты-оптикалық байланыс желісін тартуды тапсырды.

«Уақыт алтыңға тең, сондықтан шаруаға қарқын қосып, құрылысқа дайындық жұмыстарын аяқтау керек. «Сіз», «біз» деген бөлініс болмасын, бәріміздің мақсатымыз бір – пилоттық ұлттық жобаны уақытылы әрі сәтті жүзеге асыру. Бізге өте маңызды миссия жүктелген», - деді жиналғандарға сөз барысында Басқарма Төрағасы Мәулен Айманбетов.

Samruk-Kazyna Construction басшысы әр жайлы мектептің құрылыс кезеңдері мен мерзімі бойынша жол картасын әзірлеуді тапсырды. Мұндай міндет барлық мердігерлерге жүктелді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS