Skytrax 2023: QAZAQ AIR Орталық Азия мен ТМД-ның үздік үштігіне кірді

Skytrax-1999 жылдан бері әлемдегі әуежайлар мен авиакомпаниялардың қызмет көрсету сапасын бағалайтын және зерттейтін Ұлыбританияның ықпалды кеңес беру компаниясы.

«Халықаралық марапатқа ие болу – біз үшін үлкен мәртебе. Біз бұл номинация бойынша екі жыл қатарынан үздік үштік қатарынан табылып келеміз. Бұл біздің компания қызметкерлерінің өз ісіне адалдығы мен кәсібилігінің нәтижесі. Біз өз жолаушыларымызға артылған сенім мен қолдау үшін шын жүректен алғыс білдіреміз. Кез келген уақытта ұшу қауіпсіздігі – QAZAQ AIR-дың ең негізгі басымдығы болып қала береді», – деді компания басшысы Еркін Наурызбаев.

Авиациялық «Оскар» жеңімпаздары әр түрлі елдердің әуе жолаушылары мен сарапшыларының онлайн-сауалнамасының нәтижелері бойынша анықталады. Сауалнама ағылшын, француз, испан, орыс, жапон және қытай тілдерінде жүргізіледі. 100-ден астам ұлттың жолаушылары авиакомпанияның веб-сайтын, рейске тіркелуін және қонуын, ұшақ салонының тазалығын, борттағы ойын-сауықты, бортсерікшілердің қызмет көрсетуін, тамақтану сапасын, орындықтардың жайлылығын және т.б. бағалады. 2023 жылы 300-ден астам халықаралық авиакомпаниялар рейтингке қатысты.