Главная Новости Студенттер енді кен орнында тәжірибе жинайды
Компания тынысы03 желтоқсан 2020, 09:39 287

Студенттер енді кен орнында тәжірибе жинайды

Студенттер енді кен орнында тәжірибе жинайды

Жас мамандар үшін тәжірибе – болашаққа салынған ең жақсы инвестиция. Персоналды басқару бағдарламасын іске асыру шеңберінде «Қаражанбасмұнай» АҚ кен орнында тар бағыттағы мамандықтар бойынша практикаға бағытталған оқыту жобасын енгізуде. Компания мен Шахмардан Есенов атындағы Каспий мемлекеттік технологиялар және инжиниринг университеті арасында өзара түсіністік пен ынтымақтастық туралы тиісті меморандумға қол қойылды.

Мұнай өндіруші компания базасында практикадан өту жобасы пилоттық режимде іске асырылуда. Ол колледждің 3-курс студенттері мен университтің 3-4 курс студенттерінің кен орнында практикалық тәжірибе алуын қарастырады. Болашақ түлектер үшін теория мен практиканың үйлесуі жоғары біліктілік пен жұмысқа орналасуға кепілдік береді. Ал компания үшін – бұл дайын маманды алуға, сондай-ақ болашақ кадрларды тікелей өндірісте даярлау деңгейін тексеруге мүмкіндік.

«Жастарды жан-жақты қолдау компанияның кадрлық саясатының басым бағыттарының бірі болып табылады. Жобаның Қаражанбас кен орны игерілуінің 40 жылдығы қарсаңында іске асырылуының өз мәні бар, өйткені, компанияның болашағы жасампаз және еңбекқор жастардың қолында. Бұл жоба болашақта кадрларды сырттан іздеуге емес, оларды дайындауға мүмкіндік береді», – деді «Қаражанбасмұнай» АҚ персоналмен жұмыс департаментінің директоры Ғибрат Ауғанов.

Компания, университет және студент арасындағы меморандум негізінде барлық қатысушылардың мүдделерін ескеретін үшжақты шарт әзірленеді. Оқу процесі бірнеше кезеңнен тұрады: студенттер курсқа байланысты 8-10 ай бойы вахталық әдіспен оқиды, жоспарға сәйкес тапсырмаларды орындап, емтихан тапсырады. Жоба бес бағытты және сұранысқа ие жұмысшы мамандықтары бойынша оқытуды қамтиды.

Осылайша, тәжірибенің негізін қалай отырып, ҚБМ жас мамандардың болашағына сенімді қадам жасауын қамтамасыз етеді. 

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: