Студенттер өндіріс орнын аралады

Мемлекет басшысы жариялаған жұмысшы мамандықтары жылы аясында “ОРТАЛЫҚ” ӨК” ЖШС-нің “Орталық Мыңқұдық” кенішінде Созақ ауылындағы №1 колледж студенттері үшін өндіріспен танысу туры ұйымдастырылды.

Болашақ аппаратшы-гидрометаллургтер мен зертханашылар уран өндіру және өңдеу процестерімен танысып, кәсіпорынның жабдықтарын, технологияларын және жұмыс жағдайын өз көздерімен көрді.

Кәсіпорынның бас директоры Айдын Бейсенбеков студенттерді қарсы алып, атом саласы үшін білікті кадрлар даярлаудың маңыздылығын атап өтті.

Екі күн ішінде студенттер:

• Еңбекті қорғау ережелерін үйреніп, өндірістік нысандарға – бұрғылау қондырғыларына, зертханаларға және өнімді ерітінділерді өңдеу цехында болды
• Тақырыптық сауалнамаға қатысып, жеңімпаздар құрмет грамоталарын алды
• Кеніш қызметкерлерімен волейболдан жолдастық кездесу өткізіп, 2:0 есебімен жеңіске жетті
• Вахталық кенттегі қолайлы тұрмыс жағдайын зерттеп, жаттығу залы, бильярд, караоке және басқа да демалыс аймақтарын аралады
• Дәрігерлік пункт жұмысымен және ауысым алдындағы тексеру процедурасымен танысты

Сапар соңында бас директор студенттерге жұмысшы мамандықтарына деген қызығушылықтары үшін алғыс айтып, болашақта кәсіпорын мамандарының қатарын толықтырады деген сенімін білдірді. Қатысушыларға естелік сыйлықтар табыстап, оқуда озат болуларын тіледі.