Сыбайлас жемқорлыққа қарсы мәдениетке оқыту

«БГҚ Түркістан» ЖШС-де «Мүдделер қақтығысы», «Сыбайлас жемқорлыққа қарсы іс-қимыл», «Корпоративтік этика» тақырыптарында семинар өтті. Жаңадан жұмысқа қабылданған қызметкерлерге арналған бұл іс-шараны комплаенс-офицері Жанат Жақсылықова жүргізді. 

Компанияның жаңа қызметкерлері еңбек қауіпсіздігі мен жұмыс орны бойынша стандартты нұсқамадан бөлек, арнайы комплаенс оқыту курсынан өтеді.

Сонымен қатар, Серіктестіктің барлық қызметкерлері Documentolog Academy онлайн-мектебінде «Сыбайлас жемқорлыққа қарсы іс-қимылдың негіздері. ҚР заңнамасының талаптары» тақырыбында оқытылып, тестілеуден өтті.

«Этика мен комплаенс талаптарын сақтау – БГҚ Түркістан ЖШС-де жұмыс істейтін немесе оның атынан әрекет ететін әрбір адамның тікелей жауапкершілігі. Біздің мақсатымыз – сыбайлас жемқорлыққа қарсы мәдениетті қалыптастыру және жемқорлықтың кез келген түріне мүлдем төзбеушілікті арттыру», – деп атап өтті комплаенс-офицер Жанат Жақсылықова.

Айта кету керек, компанияда сыбайлас жемқорлыққа қарсы іс-қимыл бағытында қызметкерлерді ақпараттандыру және оқыту бойынша жүйелі жұмыстар жүргізіліп тұрады. Комплаенс-офицер Қазақстан мен әлемдегі оқиғаларға сүйене отырып шолулар жасап, қызметкерлердің теориялық білімін тестілеу арқылы тексеріп отырады. Бұл олардың сыбайлас жемқорлық туралы хабардарлығын арттыруға ықпал етеді.