«Тәуелсіздіктің 30 жылдығына арналады». «Қазақтелеком» шығармашылық байқау жариялады

«Қазақтелеком» дәстүрлі шығармашылық байқауын жариялады. Биыл шара ел тәуелсіздігінің 30 жылдығына орайластырылды.

Қазақ және орыс тілдеріндегі жұмыстарды қабылдау 28 маусымнан басталады және биылғы 30 қарашаға дейін жалғасады. Конкурсқа қатысу талаптарының бірі материал 2021 жылдың 28 маусымынан 30 қарашасына дейінгі аралықта жариялануы керек. Байқауға ұсынылатын материалдар төмендегі тақырыптарды қамтығаны абзал:

• Жетекші инфокоммуникациялық оператор – «Қазақтелекомның» телекоммуникация саласындағы оператор рөлінің маңыздылығын ашатын қызметі мен жетістіктері;
• Тәуелсіздік алған 30 жылдың ішінде телекоммуникация саласының дамуы;
• Қалыпты өмірде қолданылатын технологиялық трендтер, инновациялық технологиялар және қызметтер (5G);
• Ауылдарда жүргізілген талшықты-оптикалық байланыс желілерін тарту және «250+» жобаларын іске асырғаннан кейінгі ауылдар мен аймақтардағы өмір қалай өзгерді;
• «Қазақтелеком» АҚ-дағы трансформация бірінші таңдау брендіне айналу бағытындағы қадам.

Байқаудың жалпы жүлде қоры 2 200 000 теңгені құрайды. 2021 жылдың 14-15 желтоқсанында әр орынға 2 адамнан (1 қазақтілді автор және 1 орыс тілді) 6 жеңімпаз анықталады:

• 1 орын – 500 000 теңге;
• 2 орын – 350 000 теңге;
• 3 орын – 250 000 теңге.

Осы байқаудың арқасында қазақстандықтар жыл сайын «Қазақтелекомның» жұмысы туралы, технологиялар мен IT саласының соңғы тенденциялары, инновациялар туралы, сондай-ақ компанияның жаңа өнімдері туралы көбірек біледі.