29 қазан 2020, 06:38 1549

Тағы тоғыз ауыл жылдам интернетке қосылды

Алматы облысы Ұйғыр ауданының тоғыз ауылына «оптика» тартылып, 28 мемлекеттік мекеме және бюджет ұйымы жылдам интернетке қосылды, деп хабарлайды SKnews «Қазақтелеком» АҚ-ның Facebook желісіндегі парағына сілтеме жасап.

Аудан бойынша жалпы 230 км телекоммуникация желісі тартылып, Қалжат, Кетпен, Сұңкар, Кіші Дехан, Үлкен Дехан, Дардамты, Актам, Долайты және Шырын ауылдарындағы әлеуметтік нысанның бәрі кең жолақты интернетке қосылды.

«Бұрын интернет баяу жүретін, сондықтан мемлекеттік қызметшілер анықтама беру, өтініштерді, құжаттарды қарау, корреспонденция жіберу үшін көп уақыт жоғалтатын. «Оптика» қосылған соң, олардың жұмысы едәуір жылдамдады әрі жеңілдеді», - дейді Қалжат ауылдық округінің әкімі Қурдатжан Армидинов.

Жалпы, Алматы облысында ТОБЖ жобасы аясында 2 мың км байланыс желісі тартылды, 159 ауылдың 149-ында құрылыс-монтаждау жұмысы аяқталды, 408 мемлекеттік мекеменің 344-іне телекоммуникация қызметтері оптикалық желі арқылы көрсетіліп жатыр. Бүгінгі таңда облыстың Кербұлақ, Панфилов, Сарқан аудандарына желі тартылып жатыр.

Еще больше новостей на нашем telegram-канале , подписывайся и будь в курсе!

К списку статей Следующая статья