Главная Новости Тау-кен металлургиясының инвестициялық тартымдылығы жоғары
Компания тынысы26 қазан 2020, 09:26 178

Тау-кен металлургиясының инвестициялық тартымдылығы жоғары

Тау-кен металлургиясының инвестициялық тартымдылығы жоғары

Бұл туралы қазақстандық инвестициялық форумда «Taу-Ken Samuryq» ҰТК» АҚ Басқарма төрағасы Қанат Құдайберген айтты. Компания тау-кен металлургия саласында жаңа инвестициялық жобаларды дамытуға мүдделі.

Қазақстандық инвестициялық форум онлайн форматта өтті. Ұйымдастырушылар – «Самұрық-Қазына» ҰӘҚ» АҚ «Қазақ Инвест» ҰК» АҚ және Қазақстанның Ұлыбританиядағы елшілігі.

«Taу-Ken Samuryq» ҰТК» АҚ Басқарма төрағасы тау-кен металлургия секторындағы инвестициялық ахуалдың артықшылығына назар аударды. Елде айтарлықтай минералды-шикізат базасы және әлемдік деңгейдегі бірқатар кен орындары бар. Ресми бағалаулар бойынша Қазақстанда:

  • әлемдік хром кені қорының 30%-ы;
  • марганец кенінің 25%-ы;
  • темір кенінің 10%-ы;
  • мыстың 5,5%-ы;
  • қорғасынның 10%-ы;
  • мырыштың 13%-ы бар.

Қазақстан алтын, көмір, вольфрам және басқа да пайдалы қазбаларға бай.

«Біздің мақсатымыз – стратегиялық серіктестермен бірлесіп, активтеріміздің ағымдағы портфеліндегі жобаларды іске асыру. Сонымен қатар біз жаңа жобаларды барлау сатысында да, жұмыс істеп тұрған кезінде де дамытуға дайынбыз. Мысалы, Fortescue компаниясымен бірлесіп, ауқымды геологиялық барлауды бастадық», – деді Қанат Құдайберген.

Оның айтуынша, «Taу-Ken Samuryq» ҰТК» АҚ жас металлургия және тау-кен өндіруші компанияларға Қазақстандағы жасөспірім нарықты дамыту мақсатында қаржылық және техникалық қолдау көрсетуді ұсынады.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: