Темір жол бойындағы селфиге тыйым керек

2022 жылғы 4 айда осындай 25 жағдай тіркелсе, оның ішінде 13-і өліммен аяқталды. Бес жағдайда зардап шеккендер мас күйінде болған. Балалардың басындағы жағдайлар ерекше алаңдаушылық тудырады.

Жарақаттанудың негізгі себебі – зардап шеккендердің Темір жол арқылы өту ережелерін бұзуы. Адамдар асығысады, құлаққап арқылы музыка тыңдап, қауіп туралы ескерту белгілерін елемейді, келе жатқан пойыздың шуын да, локомотивтер дыбыстарын да естімейді. ⠀

«ҚТЖ» ҰК» АҚ-да пойыздардың қарқынды қозғалысы бар 18 учаске анықталса, онда адамдардың жарақаттану жағдайлары, өзіндік бір алаңдатарлық нүктелері жиі тіркеледі. Бұл Шымкент, Алматы, Ақтөбе, Семей, Жамбыл, Қарағанды өңірлерінің станциялары мен аралықтары», – деді «ҚТЖ» ҰК» АҚ Қозғалыс қауіпсіздігі департаменті директорының орынбасары Ниязбек Жаңабаев.

ҚТЖ күшімен жаяу жүргіншілер үшін жер төсемі салынуда. Соңғы төрт жылда 64 станцияда жарықтандырумен, қауіпсіздік белгілерімен және теміржол арқылы қауіпсіз өту орнының көрсеткіштерімен жабдықталған төсемдері бар жаяу жүргіншілер өткелдері орнатылды.

«Қазақстан темір жолы» ҰК» АҚ – «Магистральдық желі дирекциясы» филиалының қауіпсіздік жөніндегі атқарушы директоры Бақытбек Алдажаров компанияның «Әкімшілік құқық бұзушылық туралы» ҚР Кодексіне темір жолдардың белгіленбеген жерлерінен өткені, темір жол жолағында мал жаю және өзге де бұзушылықтар үшін айыппұлдарды ұлғайту бөлігінде өзгерістер енгізуге бастамашы болғанын атап өтті. ⠀

«ҚТЖ-Жүк тасымалы» ЖШС атқарушы директоры Иван Костыряның айтуынша, теміржолда ойындар, әлеуметтік желілер мен селфи үшін экстремалды түсірілімдер ұйымдастыратын балалардың ата-аналарынан сұранысты күшейту керек.